Ndërtimi i një të ardhme më të mirë për komunitetin

Në FINCA Kosovë, ne jemi të përkushtuar që të ndikojmë pozitivisht në komunitetet të cilave u shërbejmë përmes aktiviteteve tona të Përgjegjësisë Sociale. Fokusi ynë kryesor është sigurimi i qasjes në financa për sipërmarrësit me të ardhura të ulëta, bizneset dhe agrobizneset, veçanërisht për ndërmarrjet e vogla dhe të mesme. Synojmë të mbështesim këto ndërmarrje në krijimin e vendeve të reja të punës dhe nxitjen e rritjes ekonomike.

Ne po investojmë kohën dhe talentin tonë me qëllim që komuniteti të përfitoj

Ne synojmë të rrisim aktivitetet në qëllim të mbështesim klientët tanë dhe përmirësimin e jetesës së tyre. Angazhimi ynë përfshin një qasje gjithëpërfshirëse, në përputhje me fushat e fokusit të përgjegjësisë mjedisore, etike, filantropike dhe ekonomike.

Duke adresuar këto katër shtylla të CSR-së, ne synojmë të shkojmë përtej rolit tradicional të një institucioni financiar. Ne besojmë se ndërgjegjja mjedisore, praktikat etike të biznesit, filantropia dhe fuqizimi ekonomik janë komponentë të ndërlidhur që së bashku kontribuojnë në një model biznesi të qëndrueshëm dhe të përgjegjshëm shoqëror. Nëpërmjet këtyre nismave, ne përpiqemi të krijojmë një ndikim pozitiv dhe të qëndrueshëm, duke nxitur një të ardhme më të mirë për individët, bizneset dhe mjedisin.

  • Mjedisi: Ne e njohim rëndësinë e kujdesit mjedisor dhe përpiqemi të kontribojmë cdo ditë në mjedis. Nëpërmjet praktikave të qëndrueshme të biznesit, menaxhimit të përgjegjshëm të burimeve dhe nismave që promovojnë ndërgjegjësimin mjedisor, ne synojmë të kontribuojmë për një planet më të shëndetshëm.

  • Etika: Mbajtja e standardeve më të larta etike është pjesë përbërëse e operacioneve tona. Ne i japim përparësi transparencës, integritetit dhe llogaridhënies në të gjitha aspektet e institucionit tonë. Duke nxitur një kulturë të sjelljes etike, ne sigurojmë që ndërveprimet tona me klientët, partnerët dhe palët e interesuara të ndërtohen mbi besimin dhe drejtësinë.

  • Filantropia: Kthimi për komunitetet që u shërbejmë është një element thelbësor i strategjisë sonë CSR. Nëpërmjet nismave filantropike, ne mbështesim në mënyrë aktive kauzat sociale dhe projektet e zhvillimit të komunitetit. Qoftë nëpërmjet arsimit, kujdesit shëndetësor ose përpjekjeve të tjera të fokusuara në komunitet, ne përpiqemi të kemi një ndikim pozitiv përtej shërbimeve financiare.

  • Përgjegjësia ekonomike: Si një institucion financiar përgjegjës, ne luajmë një rol kyç në zhvillimin ekonomik. Fokusi ynë në ofrimin e qasjes në financa për sipërmarrësit dhe bizneset me të ardhura të ulëta kontribuon drejtpërdrejt në krijimin e vendeve të punës me fokus në gruan, gjenerimin e të ardhurave dhe fuqizimin e përgjithshëm ekonomik brenda komuniteteve që operojmë.

Projektet tona të fundit