Strategjia prapa të qenit unik është ekipi ynë udhëheqës. Ky ekip ka sjellë eksperiencën e tij të madhe, shkathësi profesionale dhe ekspertizë nga industri të ndryshme. Forca shtytëse e ekipit tonë është pasioni, përkushtimi dhe shkëlqyeshmëria në ofrimin e zgjidhjeve bankare si përgjigje ndaj nevojave të konsumatorëve tanë, të cilat gjithnjë ndryshojnë
FINCA Kosovë Bordi I Drejtorëve
Bordi i Drejtorëve të FINCA-së sjellë diversitet të përvojave dhe përkushtim ndaj misionit
Youssef Laban
ANËTAR I BORDIT TË DREJTORËVE
Youssef Laban
Youssef Laban është aktualisht një konsulent ekzekutiv i pavarur, i cili ndihmon institucionet financiare dhe start-up-et e teknologjisë finlandeze të përmirësojnë proceset e tyre operative dhe financiare.
Ai është një bankier me përvojë që ka shërbyer për më shumë se 30 vjet në shumë banka ndërkombëtare në Evropë, Lindjen e Mesme dhe Afrikën e Veriut në pozita të larta ekzekutive dhe joekzekutive. Pozitat e tij kanë përfshirë, Kryeshefin Ekzekutiv të qendrës rajonale të Bankës Arabe në Dubai, Kryeshefin Operativ të Grupit të bankës alkaliji në Doha, Drejtor Kryesor Operativ të Banque Saudi Fransi në Riad, Drejtues të Grupit të Sistemeve të Informacionit në Credit Lyonnais në Paris, Drejtues i Shitje me pakicë në La Banque Postale në Paris, Drejtues i Departamentit të Sistemeve të Pagesave në Credit Agricole në Paris.
Përgjegjësitë ekzekutive të Z. Laban përfshijnë Operacionet, IT, Burimet Njerëzore, Prokurimin, Objektet, Bankën Dixhitale, Shitje me Pakicë, Marketing dhe Strategji.
Youssef Laban ka një diplomë inxhinierie nga Supelec, Paris dhe ka studiuar në CESB Management – Centre d’Etudes Supérieures de Banque, në Paris.
FINCA Kosovë Ekipi Menaxhues
Ekipi ynë menaxhues ka sjellë eksperiencën e tij të madhe, shkathtësi profesionale dhe ekspertizë nga industri të ndryshme
Ardian Kastrati
DREJTOR I PËRGJITHSHËM
Ardian Kastrati
Ardian Kastrati vjen në FINCA nga ProCredit Bank, si punonjës me bagazh prej më shumë se 18 vitesh përvojë.
Ai ka filluar punën në vitin 2000 si Nënpunës Kreditor në Bankën Komerciale ProCredit në Kosovë ka shërbyer në pozita të shumëfishta menaxheriale nga ai moment e tutje.
Ardiani ishte qenësor në ndërtimin e biznesit huadhënës bujqësor të ProCredit Bankës në Kosovë, dhe ka shërbyer si Menaxher i Huadhënies Bujqësore dhe i Mikro-kredive. Në vazhdim, ai poashtu ka shërbyer si Menaxher i Regjionit të degës së Pejës pranë ProCreditit si dhe si Menaxher i Divizionit të Kredive.
Më vonë Ardiani ka shërbyer si Menaxher i Divizionit bankar korporativ për më shumë se 5 vite dhe ka qenë përgjegjës në mes tjerash për klientë, shërbimin e konsumatorëve, letër kreditë, garancionet bankare dhe për zhvillimin e produkteve dhe performancën e portofolit dhe depozitave për klientët e mesëm dhe ata korporativ. Më tutje, Ardiani ka shërbyer si Menaxher Korporativ Regjional i ProCreditit për klientët e individual dhe biznesor në Maqedoni, Shqipëri dhe Kosovë.
Ardiani ka diplomuar ne IEDC – Bled School of Managment, Shkolla e Menaxhimit, Slloveni, Programi Ndërkombëtar i Menaxhimit të Lartë, pjesë e Programit Ekzekutiv MBA, ka përfunduar studimet Bachelor në Menaxhment dhe Ekonomi në Kolegjin e Biznesit në Prishtinë, ka diplomuar në ‘Banka dhe Financa’ në Gjermani, në ProCredit Bank Academy, si dhe ka studiuar ne Fakultetin e Bujqësisë në Universitetin e Prishtines.
Ardiani flet rrjedhshëm gjuhën shqipe, angleze dhe serbo-kroate, dhe gjithashtu ka njohuri punuese në gjuhën ruse, maqedonase dhe atë bullgare.
Teuta Kotorri-Krasniqi
ZËVËNDËS DREJTORESHË E PËRGJITHSHME
Teuta Kotorri-Krasniqi
Znj. Kotorri – Krasniqi u emërua Zëvendës Drejtoreshë e Përgjithshme në FINCA Kosovë ne Maj te vitit 2020.
Znj. Kotorri Krasniqi u bashkua ekipit të FINCA Kosovë në vitin 2013 si Udhëheqëse e Departamentit të Biznesit dhe me pas Udhëheqëse së Burimeve Njerëzore. Ne Nëntor 2017, Znj. Kotorri Krasniqi u bë pjesë e Bordit Menaxhues dhe Drejtoresh e Operacioneve në FINCA në Kosovë.
Karriera e saj bankare filloi në vitin 1999, në ProCredit Bank në Kosovë. Rolet kryesore ne këtë bankë ishin Menaxhere e Divizioni të Kredive, Udhëheqje e Departamentit të Bizneseve, Udhëheqëse e Divizionit të Biznesit etj. Po ashtu shërbeu si Menaxhere e Departamentit të Biznesit Elektronik dhe kartelave, me qëllim të rritjes së efikasitetit përmes ndërtimit të kanaleve alternative të shpërndarjes si platforma e-banking, mobil banking dhe SMS bankingu.
Znj. Kotorri Krasniqi përfundoi studimet në Fakultetin e Ekonomisë dhe Financave në Universitetin e Tiranës – Shqipëri dhe po ashtu mban kualifikimin Magjistër i Shkencave (MSc) të përfunduar në vitin 1999. Ajo gjithashtu përfundoj studimet ne ProCredit Akademinë e Menaxhmentit në Frankfurt Gjermani ne Korrik 2008 dhe rishtazi, u certifikua me diplomën Post Universitare ne fushën e Biznesin Digjital ne vitin 2019 nga EMERITUS Institute, bashkëpunim ne mes te MIT Executive Education dhe Columbia Business School.
Fisnik Këpuska
DREJTOR I OPERACIONEVE
Fisnik Këpuska
Z. Fisnik Këpuska i’u bashkua FINCA-s në muajin Korrik 2016, si Drejtor i Financiar i FINCA Kosovës, më vonë gjatë vitit 2020 ai morri titullin Drejtor Operativ në FINCA Kosovë. Përveç kësaj, si pjesë e përgjegjësive të tij operacionale në nivelin FINCA Impact Finance, ai siguron mbështetje për ekipet e Menaxhmentit Ekzekutiv në filialet e FINCA në Azerbajxhan, Taxhikistan dhe Kirgistan. Z. Këpuska është Kryetar i Komitetit të Auditimit të FINCA Azerbaijan si dhe anëtar i Bordit të Drejtorëve të FINCA Bank Kirgistan.
Z. Këpuska ka një përvojë 20 vjeçare në sektorin financiar dhe bankar në Kosovë dhe rajon, duke punuar për bankat ndërkombëtare si Raiffeisen Bank Kosovë, Nova Ljubljanska Banka në Kosovë në pozita të ndryshme drejtuese duke përfshirë menaxhimin e degës, rrezikun kreditor dhe rrezikun operacional, auditimin e brendshëm. Ai gjithashtu shërbeu për katër vjet si Zëvendës Drejtor Ekzekutiv në Bankën Ekonomike.
Përvoja të tjera pune përfshijnë punën si Asistent Mësimdhënës i Marketingut në Universitetin e Prishtinës, duke shërbyer si Zëvendës Kryetar i Bordit të Drejtorëve në Shoqatën e Bankave të Kosovës, anëtar i Komitetit të Auditimit në kompaninë e Sigurimeve SIGURIA si dhe në sektorin publik si Kryetar i Bordit të Drejtorëve të një kompani komunale për menaxhimin e mbeturinave. Përvoja e tij fillestare e punës filloi si Konsulent Menaxhimi për projektin USAID Mbështetja e Biznesit në Kosovë (KBS) dhe ai vazhdon të ofrojë shërbimet e tij këshilluese pro-bono për CEED për sipërmarrësit e rinj.
Z. Këpuska ka një diplomë Master (MSc) nga London School of Economics (LSE) në vitin 2000. Para kësaj, Z. Këpuska ka përfunduar studimet bachelor në Fakultetin Ekonomik në Universitetin e Prishtinës. Z. Këpuska flet rrjedhshëm gjuhën shqipe, anglisht, serbisht dhe kroatisht.
Auberon Kelmendi
KËSHILLTAR I PËRGJITHSHËM
Auberon Kelmendi
Auberon Kelmendi është jurist i diplomuar nga Universiteti Publik i Prishtinës. Ai ka përvojë pune me Misionin e Kombeve të Bashkuara në Kosovë, projektet e UNDP-së për kthim dhe ri-integrimin në Kosovë dhe Qasja në Drejtësi dhe projekte të ndryshme të Binjakëzimit në BE në kapacitete të ndryshme.
Auberoni iu bashkua ekipit FINCA Kosovës në vitin 2011 si përkthyes dhe më pas si Asistent Ekzekutiv përpara se të punojë për një projekt të BE-së për Luftën kundër Homofobisë dhe Transfobisë në vitin 2014. Auberoni u kthye në FINCA Kosovë në vitin 2016, si Zyrtar i Pajtueshmërisë për AML / FT dhe Menaxher Special i Projekteve deri në nëntor të vitit 2016, kur u promovua në pozitën e Këshilltarit të Përgjithshëm të FINCA Kosovës. Auberoni iu bashkua Bordit Drejtues në fillim të vitit 2018.
Auberoni flet rrjedhshëm gjuhën shqipe, angleze dhe serbo-kroate.
Endrit Duraku
DREJTOR I FINANCAVE
Valon Zeka
DREJTOR KOMERCIAL
Valon Zeka
Z. Zeka iu bashkua ekipit të FINCA Kosovë në vitin 2014. Ka një karrierë 20 vjeçare në sferën bankare dhe mikrofinanciare në Kosovë dhe Shqipëri. Ka filluar karrierën në vitin 1999 në ProCredit Bank në Kosovë. Për një periudhë 5 vjeçare ishte pjesë e Ekipit Suportues në Procredit Bank Shqipëri. Gjatë kësaj peridhe 20 vjeçare ka fituar ekspertizë në menaxhim të rrjetit të degëve, shitje dhe menaxhim të Riskut Kreditor, ka pervojë në segmentin e NVM-ve dhe në produktin e Agrobiznesit. Poashtu ka udhëhequr në Departmentin e Burimeve Njerëzore për një periudhë 2 vjeçare.
Z. Zeka ka përfunduar studimet në Fakultetin e Ekonomisë pranë Universitetit të Prishtinës. Ka përfunduar studimet 3 vjeçare në Procredit Akademinë e Menaxhmentit në Frankfurt, Gjermani. Ai poashtu ka përfunduar programin “Falcon” për udhëheqësit brenda FINCA-s. Rishtazi është çertifikuar me diplomën Post Universitare në fushën e Marketingut Digjital në vitin 2021 nga EMERITUS Institute, bashkëpunim në mes të MIT Executive Education dhe Columbia Business School.
Udhëheqësit Global
Udhëheqësit Global të FINCA Impact Finance menaxhojnë një organizatë globale me më shumë se 12,000 punonjës