FINCA Kosovë zhvilloi një seri trajnimesh gjatë muajit Shkurt, në kuadër të përkushtimit të saj për zhvillim të qëndrueshëm dhe mbështetje gjithëpërfshirëse të komunitetit. Me fokus, në ngritjen e zhvillimit të bizneseve të vogla, grave sipërmarrëse dhe fermerëve.

Gjatë trajnimit u trajtuan tema kyçe që ndihmojnë në përballjen e sfidave aktuale dhe ndërtmin e një baze të fortë për rritje ekonomike si ndikimi i ndryshimeve klimatike, roli i agrobiznesit dhe përfshirja e teknologjive të reja si dhe mundësitë për përfitimin e granteve dhe financimeve të ndryshme. Po ashtu, u ofrua mentorim për gratë në biznes, me fokusim të veçantë në ndërtimin e karrierës dhe fuqizimin e rolit të tyre në sipërmarrje. Një tjetër temë e rendësishme ishte marketing-u për bizneset e vogla dhe mënyrat sa më efektive për të rritur praninë e tyre në treg.

Përmes këtyre trajnimeve, jo vetëm që ndihmojmë klientët tanë te përballen me sfidat e kohës, por edhe i pajisim ata me njohuri për të ndërtuar një të ardhme më të suksesshme.

FINCA Kosovë, përkushtohet për të mbështetur zhvillimin e vazhdueshëm dhe fuqizimin e komunitetit tonë!